29.12.2023
Навагодняя кніга поспехаў і дасягненняў
Новы год - час падвядзення вынікаў. Мы вельмі часта ў жыцці звяртаем увагу на свае памылкі: тое выйшла не так, гэта магло б быць лепш, а іншае – і зусім катастрофа! А калі зрабіць акцэнт не на правалы, а на хоць і не такія значныя, але дасягненні? Перад самым Новым годам прыёмныя сем’і сустрэліся ў будынку Міёрскага раённага СПЦ для таго, каб стварыць агульную кнігу поспехаў і дасягненняў адыходзячага года. Кожнаму прысутнаму было чым падзяліцца з іншымі. Хтосьці вельмі добра правёў час у дзіцячым аздараўленчым лагеры і набыў новых сяброў, хтосьці прачытаў шмат новых кніг, іншы – пазбавіўся дрэнных звычак, некаторыя здзейснілі цікавыя падарожжы, навучыліся маляваць, рабіць сваімі рукамі прыгожыя рэчы, гатаваць незвычайныя стравы, вывучылі новыя песні, вершы, танцы, пазнаёміліся з цікавымі людзьмі. Для асобных дзяцей мінулы год стаў лёсавырашальным – яны набылі новую сям’ю, дом, дзе пра іх думаюць і клапоцяцца. А потым усе разам паспрабавалі вывесці формулу поспеху. Як высветлілася, яна не надта і складаная: для пачатку неабходна праявіць зацікаўленасць ва ўсім, што вакол адбываецца, дадаць аптымізм, падтрымку аднадумцаў, камунікабельнасць, самастойнасць, адказнасць за свае ўчынкі, памножыць на веру у свае сілы – і поспех у кішэні! А які ж Новы год без падарункаў? Салодкія ласункі для ўдзельнікаў мерапрыемсва выдзеліла галоўнае ўпраўленне па адукацыі Віцебскага аблвыканкама.
Новы год - час падвядзення вынікаў. Мы вельмі часта ў жыцці звяртаем увагу на свае памылкі: тое выйшла не так, гэта магло б быць лепш, а іншае – і зусім катастрофа! А калі зрабіць акцэнт не на правалы, а на хоць і не такія значныя, але дасягненні? Перад самым Новым годам прыёмныя сем’і сустрэліся ў будынку Міёрскага раённага СПЦ для таго, каб стварыць агульную кнігу поспехаў і дасягненняў адыходзячага года. Кожнаму прысутнаму было чым падзяліцца з іншымі. Хтосьці вельмі добра правёў час у дзіцячым аздараўленчым лагеры і набыў новых сяброў, хтосьці прачытаў шмат новых кніг, іншы – пазбавіўся дрэнных звычак, некаторыя здзейснілі цікавыя падарожжы, навучыліся маляваць, рабіць сваімі рукамі прыгожыя рэчы, гатаваць незвычайныя стравы, вывучылі новыя песні, вершы, танцы, пазнаёміліся з цікавымі людзьмі. Для асобных дзяцей мінулы год стаў лёсавырашальным – яны набылі новую сям’ю, дом, дзе пра іх думаюць і клапоцяцца. А потым усе разам паспрабавалі вывесці формулу поспеху. Як высветлілася, яна не надта і складаная: для пачатку неабходна праявіць зацікаўленасць ва ўсім, што вакол адбываецца, дадаць аптымізм, падтрымку аднадумцаў, камунікабельнасць, самастойнасць, адказнасць за свае ўчынкі, памножыць на веру у свае сілы – і поспех у кішэні! А які ж Новы год без падарункаў? Салодкія ласункі для ўдзельнікаў мерапрыемсва выдзеліла галоўнае ўпраўленне па адукацыі Віцебскага аблвыканкама.
